من انت؟

من انت

هل انت شخص وحيد؟

هل تشعر بالوحدة بالرغم من امتلاء الافق حولك؟

هل تشعر بحاجتك الى الصراخ ولكن صوتك غير قادر على الوصول الى عالمك؟

هل تشعر انك تختلف عن الاخرين ليس شكلا او مركزا

وانما اخلاقا وطباعا

ولا تجد من يبادلك اياها؟

هل لاتجد من يفهمك وتشعر انك تبكى بداخلك بسبب وحدتك فى افكارك؟

هل تبحث على من يشاركك وحدتك وتجد فية نفسك؟

*************

ام انت مجموعة من الناس

متراصين ومتحدين

يعمل الفرد فيها كجماعة

تربطكم علاقة المودة والرحمة

وتبادل الفهم والافكار والاخلاق

**********************

ام انت شخص كلة مايحلم بة هو المال

وكل تفكيرك هو السبل التى تستطيع بها ان تصل الية

المال هو غايتك فى الحياة وليس وسيلتك

****************************

ام انت حطام شخص

لا يوجد منة غير هيكل خارجى وشكل مزيف امام الناس

وتعتقد انك شخص متماسك

وانت فى الحقيقة مهدم من الداخل

وتخدع نفسك قبل خداع الاخرين

**********************************

ام انت شخص مغرور

ترى نفسك فوق الجميع

حتى اذا كنت اقل من الجميع

وتحاول باى طريقة كانت ان تصل وتظهر

وحتى لو كان ذلك على حساب اعز الناس عليك

*******************************

ام انك عبارة عن قطعة من قطع الشطرنج

يتم تحريكها والتحكم بها

ولا يستطيع للحظة التحرك بمفردة

وانما الحركة الوحيدة التى يستطيع فعلها هى السقوط

الى ان ياتى من يرفعة ويعيدة الى مكانة

اعطتنى الحياة ولكنى سخرت منها

جوايا كلام كتير واحساس اكتر

كلام واحساس اتولد لحظة ماسمعت قصة

مش عارفة اقول قصة حزن والم

ولا قصة فخر وتضحية

هى قصة بتجمع بين كل المعانى دى

قصة انا لما سمعتها بكيت على بطلتها

بطلتها الى تستحق كل تقدير واحترام

لكن للاسف كان رد جميلها كل سخرية

شوفوا معايا قد اية بطلة القصة دى اتظلمت

بس قابلت دة بالسماح والعفو

البطلة هى ام

ام كانت بعين واحدة

كرهها ابنها الوحيد بسبب عجزها

كان يراها انها عار يصاحبة فى كل مكان

كانت هذة الام تسعى على رزقها

تحمل بضاعتها وتجول امام مدرسة ابنها

لكى تبيع ماتيسر لها للاطفال

وكان عندما يراها اصدقاء ابنها

يسخرون منها

وكان وحيدها يصرخ فيها بشدة لكى لا تاتى امام مدرستة لانة يستحى من كونها امة

وكانت الام تقابل هذا بالاعتذار

وتذهب فى مكان اخر لكى تحصل رزقها

وكبر هذا الطفل وكبر داخلة كرهة لامة ولعلتها

وتركها هذا الطفل وتزوج

واخفى عن زوجتة ان امة ذات علة

وفى يوم

ذهب الام لرؤية وحيدها واحفادها

وكانت هذة اول مرة تذهب الى بيت ابنها بعد زواجة

وعندما راها احفادها من بعيد اخذهم شئ من الخوف ثم اخذوا يسخروا منها

فعندما رائها ابنها من بعيد

عنفها وصرخ فيها

فردت قائلة

عذرا لقد اخطئت العنوان

وبعد فترة

جائة خبر وفاتهامع رسالة كتبتها لة

فلم يتاثر ولم تنزل دمعة من عينة

وفتح الرسالة فوجد بداخلها

أنا آسفة ... فقد كنت مصدر احراج لك في فترة صباك

سأخبرك ... عندما كنت انت طفلاً صغيراً تعرضت لحادث و فقدت احدى عيناك

لكني كأم

لم أستطع الوقوف و أشاهدك تنمو بعين واحدة فقط

لذا فقد اعطيتك عيني ... كنت فخورة جداً بابني الذي كان يريني العالم , بعيني تلك

مع حبي لك ... أمك "

تصوروا

بعد ماعطتة الحياة

وقبلت تعيش بعين واحدة

وبعد ماعاملها ابنها وحش اوى

بتقولة

مع حبى لك

ياااااااااااااااااااااااااة على التضحية

مش لازم نحس بالام بعد ماتروح

خلينا نقدرها دلوقتى

الدنيا ساعة

الساعة

تاملها جيدا....عندما تتاملها بدقة سوف تجد فى دورانها ولفاتها حياةافراد

افراد لا تربطهم ببعضهم صلة الا انهم يعيشون فى دنيا واحدة

فهناك بعض الافراد متل عقارب الساعة

لابد لهم لمن يرسم لهم طريقهم الذى لايستطيعون الانحدار عنة

وان غابت هذة اليد السحرية من حياتهم توقفوا

توقفوا فى اى مكان وتحت اى ظروف ومهما كانت النتائج

الا ان تعود هذة القوة الخفية لتستكمل رسم طريقهم ومستقبلهم

وهناك البعض الاخر مثل ارقام الساعة

منهم من هو واضح واساسى

ومنهم من هو مكمل وثانوى الذى يعتبر محطة انتقال وليس مركز تواجد

والبعض الاخر مثل مركز الساعة

مهم فى حياة كل شخص

مهم فى حياة كل فرد منا

واذا بحث فى حياتة وجد هذا الشخص اهم مافيها

ولكن

ولا نستطيع انكار

انة بدون هؤلاء الافراد على اختلاف انواعهم وشخصياتهم

لا تكتمل الحياة

وان نقص اى جزء واذ كان بسيط

توقفت الساعة

توقفت الحياة

توقف الزمن

لاخلاص مش هسكت تانى

مش عارفة ابدا منين ولا اقول اية
جوايا احاسيس كتيره اوى احاسيس كلها عكس بعضها
بس بجد دلوقتى الاحساس الى غالب
الاحساس الى مش قادرة الاقى كلام يوصفة
هو احساس الذل والمهانة

كنت بتفرج دلوقتى على الضمير العربى
الى شوفتة واكيد الكل شافة حاجة صعبة
صعبة بكل ماتحملة الكلمة من معانى
ويمكن اكتر كمان

اتخيلت للحظة انى لو فى مكان اى شخص فى الاراضى المحتلة
ياترى كنت هستحمل دة؟؟
ياترى كان حالى هيبقى اية وانا شايفه كل يوم حد بيقع قدامى
جايزمن قرايبى جايز من صحابى جايز من جيرانى

شعور اقوى من اى حد
تخيل انك لما بتشوف طفل بيبكى ولو حتى لسبب تافهة
ممكن عنيك تدمع علشانة
فما بالك لما تشوف طفل بيموت قدامك
او بيتعذب او بيفقد حد من اهلة او حتى كلهم
او تشوف اب ابنة بيموت بين اديةوام عايشة بجرح جواها علشان فقدت اسرتها

انا عمرى ماكان ليا فى السياسة ولا اعرف فيها
بس بجد
جوايا سؤال تاعبنى هو لية بيحصل كدة؟
لية بيتعمل كدة؟
لية كل التعذيب والاهانة والاستهزاء بالانسان وبحياتة
للدرجادى الانسان بقى رخيص
ولا الدنيا الى اتقلب حالها

ممكن حد يفهمنى لية كل دة بيحصل
ولحد امتى هيفضل يحصل؟!
واحنا هنسكت لحد امتى؟!

ياترى امتى هنتكاتف كدة؟؟

ياترى هيفضل دورنا مجرد ان احنا نغنى
ونصور التعذيب الى هما في
ودموع تنزل على خدودنا واحنا بنتفرج على اهانتهم
وبعد كدة نشوف الكليب الى بعدة
وكان شئ لم يكن

لحد امتى احساسنا هيفضل كلام يتكتب
امتى هيبقى فعل؟؟
ممكن حد يرد على اسالتى

الفرعونة العاشقة

الفرعونة العاشقة قناع بيخفى تحتة بنت بسيطة وبتشوف كل الى حوليها بسيط
قناع مش عاشتة او عيشاة كتجربة انما هو مجرد اسم
انا فرعونة طموحها كبير لكن تنفيذها صغير
نفسى اكون حاجات وناس كتير جوا بعض
عندى استعداد اعمل ونفسى اعمل بس جوايا حاجز
الحاجز دة كسوفى وخجلى
يعنى انا عمرى فى حياتى مافكرت اكتب كلام يعبر عنى او عن احساسى
حتى لو ليا انا
بس اهو ولاول مرة اكتب كلام ومش ليا ...لالالالالا
للكل هيشاركنى فية
اعرفكم بالفرعونة بقى
الاسم:الفرعونة العاشقة
السن : 17سنة (هكملهم 18 قريب)
اتمنى اكون فرعونة بجد فى كل حاجة
حتى اذا كنت دلوقتى مش فرعونة فى اى حاجة